Timber by EMSIEN-3 LTD
සිතිවිලි නිම්තෙර

කප්පයරක් සිතුම්
පොදි බැදන්
නැව් නැගි
හිතත්….
බිදුවක් හැගුම් නැතිවම
පොඩි කරන්
නොකියම යන්න
ගිහින්….
රත ගැ දෙතොලතර
රත නෙගැතොලට
හික්මුණු හිත….
නුරා වතක් නොමැති සඳ….
නුරා පෙමක් නොපැතු
හිත….
නුඹ නොදත් නුඹට බැදි පෙම….
බිදුනු සිතුවිලි අතර
නොපතයි නුඹේ
වත….

ලොඡ් එක තුළදීම ලිංගික ශ‍්‍රමය අලෙවි කළ පියුමි ක‍්‍රිෂාන්ත හා එකට ජීවත් වූයේ ලොඡ් එකෙහිම කාමරයක්‌ තුළයි

ඇය කොළඹ දිස්‌ත‍්‍රික්‌කයේ ඉපදී හැදී වැඩුණු තැනැත්තියකි. අප ඇයව පියුමි නමින් හඳුන්වමු. සහෝදර සහෝදරියන් තිදෙනකුගෙන් සමන්විත වූ ඇයගේ පවුලෙහි බාලයා වූයේ පියුමිය.

සාමාන්‍ය මධ්‍යම පාන්තික පවුලකට අයත් වූ පියුමිට ආර්ථික ගැටලූ‍ පැවතුණ ද ඇයත් සහෝදරයන් දෙදෙනාත් පාසල් යෑවීමට දෙමවුපියන් පියවර ගෙන තිබිණී.

කෙසේ වුවද සෙසු ළමුන්ගෙන් මෙන් ඇයගේ ළමා කාලය එතරම් සුන්දර වූවක්‌ නොවීය. පියුමිගේ පියා ඇය කුඩා කාලයේදීම මියයැමත් සමඟම ගරා වැටුණු පවුලෙහි ආර්ථිකය නංවාලීමට කටයුතු කළේ ඇයගේ මවය. ඒ ඇඟලූ‍ම් කම්හලක සේවය කිරීමෙනි.

පියා මියගොස්‌ කෙටි කලකින්ම මව වෙනත් පුරුෂයකු හා එකට ජීවත්වීම නිසා පියුමි සිටියේ දැඩි කනගාටුවකිනි. ඔවුනගේ නිවසෙහි මෙම තත්ත්වය නිසාම ගැටුම් වරින්වර මතුවිය.

කෙසේ වුවද පියුමිගේ වැඩිමහල් සහෝදරයන් දෙදෙනාම අ.පො.ස. සාමාන්‍ය පෙළ දක්‌වා ඉගෙනුම ලැබූ අතර පියුමි හත්වැනි ශ්‍රෝණියෙන් පසු නිවෙසෙහි නතර වූයේ ඇයට ඉගෙනීමට එතරම් ආශාවක්‌ නොතිබීම නිසාය.

පාසල් අධ්‍යාපනය නිමා කර නිවසෙහි නතර වූ පියුමිට තම නිවසට යාබදව පදිංචිව සිටි පාසල් සිසුවකු වූ ක‍්‍රිෂාන්තව මුණගැසුණේ මේ අතරතුරදීය. ක‍්‍රිෂාන්ත නිතර නිතර පියුමිව හමුවීමට ඇයගේ නිවසට පැමිණි අතර ඔහුව පියුමිගේ මවට හිතට ඇල්ලූ‍වේ නැත. මේ නිසාම ඔහුත් සමඟ ඇති සම්බන්ධය නතර කරන ලෙස මව තම දියණියට කියා සිටිය ද එය බීරි අලින්ට වීණා වැයීමක්‌ වැනි විය.

පියුමිව නිතර ඇයගේ නිවසේදී හමුවූ ක‍්‍රිෂාන්ත ඇය හා සමීප ඇසුරක්‌ පැවැත්වූ අතර එහි ප‍්‍රතිඵලය වූයේ පියුමි ගැබිනියක්‌ බවට පත්වීමයි.

මේ බව පියුමිගේ මව දැන ගත්තද ඇය ඒ ගැන කිසිවක්‌ නොකීවේ පියුමි හා ක‍්‍රිෂාන්ත අතර පැවැති සම්බන්ධය බිඳ දැමීමට ඇය මුලදී ගත් සෑම උත්සාහයක්‌ම ව්‍යර්ථ වීම හේතුවෙනි.

කෙසේ හෝ ගැබිනියක්‌ වූ පසු පියුමි ක‍්‍රිෂාන්ත හා නිවසින් පැන ගොස්‌ මරදානට පැමිණි අතර ජීවත්වීමට ආදායම් මාර්ගයක්‌ හෝ නවාතැනක්‌ නොතිබීම හේතුවෙන් ඔවුනට අන්තිමට පිහිට වූයේ මරදානේ පිහිටි එක්‌තරා ලොඡ් එකක හිමිකරුය.

ඒ වන විට 17 හැවිරිදි වියෙහි පසු වූ මනා රූසපුවකින් හෙබි පියුමිව ලිංගික ශ‍්‍රමය අලෙවි කරන්නියක්‌ බවට පත් කිරීමට කැමැති නම් ඇයටත් ක‍්‍රිෂාන්තටත් නවාතැන් දීමට ලොඡ් හිමිකරු කැමැති විය.

ජීවත්වීමට ආදායම් මාර්ගයක්‌ නොතිබුණු පියුමි හා ක‍්‍රිෂාන්ත ලොඡ් හිමිකරුගේ කොන්දේසියට එකඟ වූ අතර ගැබිනියකව සිටියදීම අන් පිරිමින්ට ලිංගික ශ‍්‍රමය අලෙවි කිරීමට පියුමිට මේ අනුව සිදු විය.

උදෑසන සිට රාත‍්‍රී කාලය දක්‌වා පිරිමින්ට ලොඡ් එක තුළදීම ලිංගික ශ‍්‍රමය අලෙවි කළ පියුමි ක‍්‍රිෂාන්ත හා එකට ජීවත් වූයේ ලොඡ් එකෙහිම කාමරයක්‌ තුළය. ඔවුනගේ එකම ආදායම් මාර්ගය වූයේ ලිංගික ශ‍්‍රමය අලෙවි කිරීමෙන් පියුමිට හිමි වූ මුදල් පමණි.

මේ අයුරින් මාස දෙකක්‌ ලිංගික ශ‍්‍රමය අලෙවි කළ පියුමිට දිනක්‌ නොසිතූ විරූ පරිදි පොලිස්‌ අත්අඩංගුවට පත් වීමට සිදු වූයේ පොලිසිය විසින් ඇය ලිංගික ශ‍්‍රමය අලෙවි කිරීම සිදු කළ ලොඡ් එක වැටලීමත් සමගිනි. එහිදි පියුමි සමඟ ලිංගික ශ‍්‍රමය අලෙවි කිරීමෙහි නිරත වූ කාන්තාවන් කිහිපදෙනෙකුම පොලිස්‌ අත්අඩංගුවට පත්විය.

මාස හයක කාලයක්‌ සිරගතව සිටි පියුමි සිර කඳවුරෙහි ගත කළ සිවුවැනි මාසය තුළදීම කුළුඳුලේ පිරිමි දරුවකු ප‍්‍රසූත කළාය. නීත්‍යානුකූල අයුරින් විවාහ වී නොසිටි පියුමි අත්අඩංගුවට පත්වූ පසු ඇයව බැලීමට ඇයත් සමඟ එකට ජීවත් වූ ක‍්‍රිෂාන්ත එක්‌ දිනක්‌ හෝ පැමිණ නොතිබිණී.

මාස හයක්‌ සිර කඳවුරෙහි සිට අතදරුවකු හා සිරෙන් නිදහස්‌ වූ පියුමි කෙළින්ම ගිය ස්‌ථානය වූයේ ඇය ලිංගික ශ‍්‍රමය අලෙවි කළ මරාදානේ පිහිටි ලොඡ් එක වෙතය. ඒ ක‍්‍රිෂාන්තව මුණ ගැසීමේ අරමුණිනි. එහෙත් පියුමිව අත්අඩංගුවට පත්වීමෙන් පසු ක‍්‍රිෂාන්ත එම ස්‌ථානයෙන් පිටව ගොස්‌ ඇති බව ඇයට එහිදී දැනගන්නට ලැබිණි.

මාස දෙකක අත දරුවකු සමඟ තනිව ජීවත්වීම අසීරු බව දැන සිටි පියුමි ඇය විසින් හඳුනන මරදානේ පදික වේදිකාවක සිට ලිංගික ශ‍්‍රමය අලෙවි කරනු ලබන කාන්තාවකට සිය අතදරුවා හදා ගැනීමට භාර දීමට පියවර ගත්තාය. ඒ වන විට 18 හැවිරිදි වියෙහිි පසුවූ පියුමි අතදරුවා ලිංගික ශ‍්‍රමය අලෙවි කරන තම හිතවතියට භාරදී එතැනින් පිටව ඇති අතර ඇය ගිය තැනක්‌ දැනගන්නට නොමැත.

පියුමි විසින් භාරදුන් අතදරුවා තම දරුවකු මෙන් කවා පොවා ඇති දැඩි කළ ලිංගික ශ‍්‍රමය අලෙවි කරන තැනැත්තිය එම දරුවාව පාසල් යෑවීමට කටයුතු කළේ ප‍්‍රදේශයේ පිහිටි පන්සලක විහාරාධිපති හිමියන්ගේ නිර්දේශය සහිත ලිපියක්‌ පාසලට ඉදිරිපත් කිරීමෙන් අනතුරුවය.

එම දරුවාගේ දෙමවුපියන් වූ පියුමි හා ක‍්‍රිෂාන්ත නීත්‍යනුකූලව විවාහ වී නොසිටීම හේතුවෙන් එම දරුවාට උප්පැන්න සහතිකයක්‌ නොතිබීම විහාරාධිපති හිමි නමගේ නිර්දේශය ලබා ගැනීමට හේතුවී තිබිණී.

එදා පියුමි විසින් තම හිතවතියකට භාරදුන් දරුවා අද නව හැවිරිදි වියෙහි පසුවන අතර ඔහු පාසල් අධ්‍යාපනය හොඳින් සිදු කරන බව ඔහුව හදාගත් තැනැත්තිය පවසන්නීය.

අද එම දරුවා අම්මා යෑයි කියන්නේ තමා හදා වඩා ගත් ලිංගික ශ‍්‍රමය අලෙවි කරමින් ජීවත්වන තැනැත්තියටය.

කෙසේ වුවද එම දරුවාගේ හැදු මව තවමත් ලිංගික ශ‍්‍රමය අලෙවි කරමින් ලැබෙන මුදල් දරුවා වෙනුවෙන් වැය කරනු ලබයි.

දරුවාගේ හැදු මවට දැනට පවතින ප‍්‍රධානම ප‍්‍රශ්නය නම් තම මව හා පියා දැක නොමැති තමන් විසින් හදා වඩා ගන්නා දරුවාට උප්පැන්න සහතිකයක්‌ ලබා ගැනීමයි. ඔහු යම් දිනක උසස්‌ අධ්‍යාපනය ලබන විට උප්පැන්න සහතිකය අත්‍යවශ්‍ය වන බැවින් ඔහුට උප්පැන්න සහතිකයක්‌ සාදා ගැනීමට දරුවාගේ හැදු මව අදාළ අංශවල උපකාර පතන්නීය.

නිමිත්ත:   දිවි නසාගත් එප්පාවල වසන්ත ප්‍රදීප්ගේ ඇඟිලි තුඩු මතින් ජංගම දුරකථනයෙහි සටහන් කල කෙටි පණිවිඩය…

 

මචං, උඹ අද මැරෙනවා

මල්සරා උඹට වෙඩි තියනවා

මල් ඉවත් කර

කටු ගැසූ හීයකින්

ඌ උඹේ පපුවටම විදිනවා

 

මල් කැඩූ දුරකථන තිරයේ

උඹ කෙටූ අකුරු ටික

සිංහල ඉතිහාස පොතෙන්

Delete වේවි

 

උඹට අමතක නැති

අපට අමතක ඒ අතීතය

උන් වෙනස් කර ලියාවි

 

උඹ මියෙන සැටි

උඹ කියපු විදිහට ම

Clip එකක් තිබුණා

 

උන් ඒක මුලින්ම පෙන්නලා

පළමු තැන ගන්න පොරබැදුවා

 

අපට මහ දිගට දැනුණත්

උඹේ කෙටි පණිවිඩය

මිලක් ඇති SMS එකක් විතරයි

 

අලුත් විදිහට වුනත්

මචං, උඹ අද මැරෙනවා

පරණ විදිහටම අපි

හෙටත් TV බලනවා

 

FM නාලිකාවක ශෘංගාරාත්මක ත්‍රාසජනක කතා පිටපත් රචිකාවගේ විලාපය….

ගෙල සිර කර පතිනිය මැරු සැමියාය

මග රැක සිට කිඩ්නැප් කල මැරයාය

කන කර සොරා පැන ගිය සොද කුමාරය

රස කර ලීව තනිකඩ කිදුරී මාය……

 

කනාමැදිරියෙකුද නොමැති අහසේ

සඳ කොහෙද තරු එලිත් ඉකි ගසා නිවුණේ

බෝඩිමක ටකරමක හැමදාම සිදුරේ

පිනි බිදකි තනිකමට මා ලගින් සිටියේ

 

මදුරු දැල් කොයිබින් ද මකුළු දැල් අතරේ

ගිනි සපුය පිට මැදින් හරස් වී සිටියේ

හැමෝගෙම දුක් කතා රැදී ඇති ගොනුවේ

මගේ නම විතරක්ය දකින්නට නැත්තේ

 

එෆ් එම් මව් තරග ඇකයේ

පා කර එවූ පෙම් දෙබසේ

මගේ කදුළේ හීතලද තිබුණේ

අත තබා බලනු මැන පීකරය සුහදේ

 

නින්ද නැති ගිය සතිය තිස්සේ

මම මගේ කතාවයි ලියන්නට හැදුවේ

පෑන පැන යන හැටිය නොරදාම දෑතේ

වවන්නට බෑ වගේ මගේ දුක් ගීතේ….

 

කොටස් කර කැබලි කර දැන්වීම් මැද්දේ

කඩන්නට බා මගේ බිදුණු පෙම් හීනේ

දවසකින් ඉවර වෙන එපිසෝඩ් අතරේ

තවරන්න පුලුවන්ද බර මගේ කදුළේ……

උපුටනය: “වැඩියෙන්ම වැරදුනේ කවියන්ට කාව්‍ය සංග්‍රහය” (ලක්ෂාන් මදුරංග වික්‍රමරත්න)

පොලිස් නිලධාරියෙකු පෙම්වතුන් යුවලකගෙන් ඇසූ පැනයකට පෙම්වතා දුන් පිළිතුර….

 

සිතින් පේරාදෙණිය සිහිකර

මා ඇය තුරුළු කර ගත තන බිත්තිය

නගරයේ සුළු දියට පපුව පාමිණ

අප දෙස බලා තුටු වෙන….

 

මේ කොහොඹ ගහ යට පාමුල

සෙවනත් පැණි රසයි අප දෙදෙනාට

තිත්ත කරවිල වැනි අපේ ජීවිත

ලොසින්ජරයක්වත් හැපූ තැන මෙතන….

 

ගද සුවද දැනෙන්නෑ අපට

රෝස මල් තිබ්බේ නෑ අවට

ඉර හද නොඉල්ලූ ඇයට

මම මගේ හද ගෙනා වරදද?….

 

සුවද ඇති තැන ඔක්කොම

කොටු ගසා වෙන් කරන ඇති විට

ගද සුවද බල බලා හිටියනම් එහෙම

ඇගේ පවුඩර් සුවදවත් ලැබේවිද?….

 

කාව්‍ය සංග්‍රහය: ලක්ෂාන් මදුරංග වික්‍රමරත්න ගේ වැඩියෙන්ම වැරදුනේ කවියන්ට…

හිරුණිකා ප්‍රේමචන්ද්‍රගේ අත ගන්නා හිරාන් ගේ පුංචි තිරයේ ප්‍රථම කල එලි දැක්ම වුයේ “විසුල අහස යට” ටෙලි නාට්‍යයි. එහි  පුංචි ජවනිකාවක් ඉහත වීඩියෝවේ දැක්වේ…

RANDOM POSTS

0 5
වහාම ක්‍රියාත්මක වන පරිදි ප්‍රධාන පොලිස් පරීක්ෂකවරුන් 05 දෙනෙකු ස්ථාන මාරුකර තිබේ. සේවයේ අවශ්‍යතාව මත පොලිස්පතිවරයාගේ නිර්දේශ මත ජාතික පොලිස් කොමිසමේ අනුමැතිය පරිදි මෙම ස්ථානමාරු...