Timber by EMSIEN-3 LTD
සිතිවිලි නිම්තෙර

හන්තාන අඩවියේ හමන උඩු සුලං රැල්
පාවෙලා විත් නුඹට සිසිල එක් කලාදෙන්
ඒ සිහිල් පවන් රැලි හමාගොස් කියාපන්
මං තවම සරසවියෙ ඇය නැතිව පාලුවෙන්
වැහි අඳුර හෙමි හෙමින් මේ බිමට වැඩියදෙන්
ඒ අඳුරෙ මා හෙලන සුසුම් සැඟවුනාදෙන්
මේ වැටෙන කඳුලු වැහි පොදට මුසුවුනාදෙන්
හිතේ දුක වැස්සටම හේදිලා ගියාදෙන්
ඇහැල මල් පෙති සිඹින බඹරුනේ අසාපන්
මමත් මලකට කලක් පෙම්කලා හිත යටින්
රොන් ගත්තෙ නැත්තෙ ඒ ආදරය නිසාවෙන්
ගහට වැඩියෙන් මලට ආදරය කලා මං
මල් සුවඳ හමාගෙන නහය අසලින් ඇදී
තාම ඇයගේ සුවඳ හිත පතුලෙ කාවදී
රඟහලට මා යනෙන අතරමග පාරෙදී
නුඹ පෑව රැඟුම් නෙතු මතම මැවිලා හිඳී
මා නැතත් නුඹට තනියක් එපා දැනෙන්නට
මා එක්ක මැවු සිහින එපා මගහැරෙන්නට
මගේ මතකය එපා නුඹෙ හිතේ රැඳෙන්නට
පෙම් හැඟුම් ගලාපන් නුඹේ හිත පිරෙන්නට

ආදරේ මියැදිලා රාගයේ පැටලී
ජීවිතේ තනිවෙලා සිදී පෙති පොඩිවී
යෞවනේ පියාපත් ගසන්නට පෙරසේ
බැරි තරම් රිදවලා රොන් අරං රිසි සේ….
සොදුරු බැවු ලියා තිබුනත් හැඩදමා රහසේ
නපුරු කම් ලියවිලා නෑ ආදරේ ගැබුරේ
සුවද මල් හිනැහුනත් නොදැන මේ සෙනෙහේ
සලෙල බමරුන් බිරොම නපුරුයි මේ සිනා අතරෙ..
තියන්නට මල් උනුන් අරනේ නෑ නෙලා ගත්තේ
රොන් උරා විසි කරන්නට උන් ලගින් සැරි සැරුවෙ
එපා පැහැයට මුලා වන්නට සෙනෙහසේ අරුමේ
නොදැන යන්නට එපා ලදුනේ රාගයට ලොල් වී…..
…..නාලක ජයතුංග…

කෙට්ටු උනාට මොකද බං චුට්ටක් ,
වෙට්ටු නම් අදාලම නැහැ මට ලෝකෙ උන්ගේ..
රට්ටු කවදත් ඕං කට්ටු කියලා ,
මට්ටු කරන්න හැදුවේ ,
දිස්නෙට බැබලෙනව පේන
පට්ටම චරිත තමයි මේ සමාජේ……

ව්‍යාජ මිනිසුන් පිරි
සමාජය තුල
ප්‍රවේශම් වන්න.
මංද
ඔවුන්ගේ රංගනයට
ඔබේ හදවත වේදිකාවක් කරගන්නට
පසුබට නොවන නිසා.
මිනිස් ගුණදම් පිරිහුණු
අද සමාජය
සංවේදී සිත් තුලට රිංගා
ඔවුන්ගේ හැගුම් හා
අපූර්ව රංගනයක යෙදෙයි.
අරුමයකි මේ මිනිස් සමාජය෴
Indika Nishantha 

මැනීමට නම් අවැසිය
ප්‍රේමයේ දිග පළල
එහා ගිය මිනුමක්
ඔබෙ මිනුම්වලට තව…

බොහෝ විට දවසක
ඔබ මනිනු ඇත එය
මම අළුව ගියපසුත්
ආලෝක වර්ෂයයි
තව ටිකක් ගිය තැන…

|ලහිරු සම්පත් කරුණාරත්න
(පරණ කවක්)

ඈත්වෙතොත් මාගෙන් හැම දේ එවිට
දුකක් නැතිව යා හැකි නොවැ පරලොවට
සිංහබාහු පිදුමෙන්

 

ඇලව බා හොවා තත් බිඳ යහන මත
හිරව සීලිමෙහි රදවන හිස් දෙනෙත
තරව මිටි කරන් අතැගිලි උඩුකුරුව
මෙතැන මේ වැතිර ගෙන ඒ මිණි වෙණද
සරා ගැඹර මිනිසත් බැව් මහ සයුර
පෙරා හැදින දුක් දොම්නස් රළ පතර
අරා කරළියෙහි පෙළ ගස්වා නිතර
මවා පෑය උස් මිටි වන බව සසර
ඇතුළු සිහින පදවැල් ගෙතුමේ එතුව
මුකුළු පා නැවත කදුලේ ගෙන එතුව
කැකුළු මල් පිපුණි ඔබ ගැඹුරින් මතුව
හකුළුවනු කෙලෙස සුවදකි සැරිසැරුව
ඉතින් යන්න යන ගමනක් ඇත නිබ‍ද
ගතින් ඉකුත් වී රූ සඳ ගඳ සහිත
මෙතින් දමා යන රන්වන් පියාපත
නිතින් විඳිමු හසරද ගුවනේ සරත
ආරියවංශ රණවීර – දොළොස් රළ

අම්මා…
ඉපදුණු රට හද මුල් කරන්
යුද වදින්න උතුරේ නිදි මරන්
යන මොහොත මවු ගිනි අරන්
සිප ගත්තා පුතුනේ දුක දරන්
පුතා…
මරුවා ඇදෙන මාවත් නිදි මරන්
යුදවදින්න පෙර ගිහින් අවි අරන්
සිප ගත්ත අම්මාගේ හිත දරන්
යමක් තිබෙද කිමට හිර කරන්
අම්මා…
මවු සමුගෙන ගිය දා පටන්
ඉවර කර දමන්න මේ සටන්
මරු වැට උඩ සිරුවට හිටන්
කරනු පුත රට උදෙසා සටන්
පුතා…
වෙඩි පහරට හද පතුරු කරන්
මරුව ගියොත් හෙට ජය අරන්
නිසල දෙහය ලග නිදි මරන්
අඩනු එපා ඔබ කදුලු පෙරන්
අම්මා…
පුතා පිටව ගිය මොහොත පටන්
නින්දක් නැහැ රෑ ජාමේ හිටන්
ඉක්මනින් ඉවර කර මේ සටන්
ඔයා එන්න මට සුසුම් අරන්
පුතා….
රකින්න මවු බිම කරලා සටන්
නැති වුණොත් මං හෙට පටන්
ඔබ ලග ඇවිත් ඉන්නට හිටන්
නිදහස් හුස්ම එයි එදින පටන්…..
දි ජ 03.07.17
Diluk Jayawardene 

— බියුටි පුන්චම්මලට බබාලා බලාගන්න දීලා
කොහේවත් යන්න නම් එපා————-

ඇස් දෙක වගෙ මාව බලා—ගන්න කියා පොඩි පුංචිට
අම්මා ගියා නොයාම බැරි —-ගමනක් යන්නෝනෙ කියා ….

සන්තෝසෙන් මාව බදා—-උම්මා දුන්නෙ ඇයිද කියා
තේරෙන කොට පමාවෙලා—-වෙන්න ඕන හරිය වෙලා ….

මගේ ඔලුව පැලිලත් නෑ—ඒත් මොකක්දෝ බැඳලා
මොන මොනාද ජාති ගොඩක් —-ගාලා මුහුණ පිහිදාලා

ඇස් දෙක වහගන්න කියා —-රවුම් දෙකක් තියල එයා
අත් දෙකටත් දීල දෙකක් —-ටුවෙන්ටි මිනිට්ස් කියල ගියා…

දෙන්න එපා පුන්චිලාට—-බබාලනම් බලාගන්න
මේ අසරණ චූටික්කිට —–පේනවාද කරපු හරිය…

අපෙ අම්මිගෙ චූටි මැනික —-ඉන්නව දැක්කනම් මෙහෙම
පපුව පැලෙයි දුක හිතිලා—-කොච්චර වරදක්ද ඒක……

————-පියුමා වික්‍රමසිංහ ——— (සේයාරුව මුහුණු පොතෙනි)

RANDOM POSTS

0 5
ඉන්ටර්නෙට් බදු අඩු කෙරේ මෝටර් සයිකල් බදු අඩු කෙරේ මුදල් ඇමති මංගලගෙන් තෑගි මල්ලක් අද(17) පැවති මාධ්‍ය හමුවකට එක් වෙමින් මුදල් අමාත්‍ය මංගල සමරවීර කලකට පසු සහන...