Timber by EMSIEN-3 LTD
සිතිවිලි නිම්තෙර

— බියුටි පුන්චම්මලට බබාලා බලාගන්න දීලා
කොහේවත් යන්න නම් එපා————-

ඇස් දෙක වගෙ මාව බලා—ගන්න කියා පොඩි පුංචිට
අම්මා ගියා නොයාම බැරි —-ගමනක් යන්නෝනෙ කියා ….

සන්තෝසෙන් මාව බදා—-උම්මා දුන්නෙ ඇයිද කියා
තේරෙන කොට පමාවෙලා—-වෙන්න ඕන හරිය වෙලා ….

මගේ ඔලුව පැලිලත් නෑ—ඒත් මොකක්දෝ බැඳලා
මොන මොනාද ජාති ගොඩක් —-ගාලා මුහුණ පිහිදාලා

ඇස් දෙක වහගන්න කියා —-රවුම් දෙකක් තියල එයා
අත් දෙකටත් දීල දෙකක් —-ටුවෙන්ටි මිනිට්ස් කියල ගියා…

දෙන්න එපා පුන්චිලාට—-බබාලනම් බලාගන්න
මේ අසරණ චූටික්කිට —–පේනවාද කරපු හරිය…

අපෙ අම්මිගෙ චූටි මැනික —-ඉන්නව දැක්කනම් මෙහෙම
පපුව පැලෙයි දුක හිතිලා—-කොච්චර වරදක්ද ඒක……

————-පියුමා වික්‍රමසිංහ ——— (සේයාරුව මුහුණු පොතෙනි)

අහස් කුස ඝනඳුරු වෙලා…
වැහි වලාවන් සැඩ වෙලා…
කිලි පොලා යන සීතලෙන්…
හැඟුම් වල් මත් වෙලා….
බිත්ති හතරෙහි
කුලී ඇඳ මත,
නොලද සුව විද හිනැහුනා…………

නීතියෙන් වෙන්වූ තම බිරිඳ;
දෙවැනි දීගෙක ගියදා රාත්‍රියේ,
පළමු විවාහයේ සැමියාට මෙස් සිතුණි……….!!!!!
********************************
නෙළුම් ඳඩු සිඳ දැමූ සිතුවිලි සැනින් ගොම්මං ____උනාදෝ
නුඹට නොහැඟෙන මට හැඟෙන පෙම් නුවර නටඹුන්____ උනාදෝ
හද බැඳුනු ආදර රැහැන් කිටි කිටි හඬින් වෙන් ____උනාදෝ
නිදිවැරූ සයනයේ ඇතිරිලි වීතරාගී_____ උනාදෝ

තඹර පිපුනට විලෙහි පතුලට එහි සුවඳ විඳ ගන්න ___බෑ
අපිව එක්කල පුංචි යදමේ රත්තරං පැහැ විඳිනු _____බෑ
තුරුණු ලැම මැද වෙළුන ආදර තෙපුල මම ඉවසන්න _බෑ
උගේ පපුවේ වෙලෙන දෙයදර පහස මට සිහිකරනු _බෑ

බමන මීවිත මතින් පියැවුනු ඇසින් කඳුලක් ____වෑහුනා
ලොවට නොපෙනෙන මගේ සිතුවිලි මුරුගසන් මහ__ වැහිවුනා
විඩාබරවූ සිතුම් වැස්සට මහා හෙනයක් _____පිපිරුනා
ළඳුනි මින් පෙර මෙබඳු ගමනක් නුඹ නොගිය බව _ සිහිවුනා

ගිණි අරං සඳ දැවී යන රෑ අහස ගැබ්බර ______වෙන්නැතී
මගේ පපුවට තුරුළු වූ ලෙස ඔහු ළඟත් ගුලි ___වෙන්නැතී
විදුලි විසිවෙන මීන නෙතුයුග ඉඟිමරා පියැ____වෙන්නැතී
මට වැසුනු දොර ඇරුනු ඔහු දොර එරන්දෝලිය වෙන්නැතී
*********************************************
දමිත් විලේගොඩ
***************

හුරුපුරුදු ගිනි අවිය
නුඹයි මගෙ මුල් බිරිද
අවසාන මොහොතෙදිත්
මා අතැර දා නොගිය..

තල් වැටේ මාඉමේ
හුස්ම පොද හිර වෙලා
මියෙදෙන්න හදද්දිත්
මගෙ දෑතෙ හිර වෙලා
පණ කෙන්ද රැකගත්ත
නුඹයි ආදර බිරිද..

දුකේදිත් සැපේදිත්
එක ලෙසින් තනි රැක්ක
නුඹ තාම මා එක්ක
හුරත්ලෙන් ලන්වෙලා
ඉන්නවා පෙරසේම.

Kalum De Silva

උණුසුම් වෙලා වාගෙයි පෙම් දැහැන ඔබේ.
ඒ ගැන කියන්නට තොරතුරැ නැතිව හබේ.
පෙම් රඳ පහස විඳි හැටි පවසන්න නුඹේ.
ගෙත්තම් කවි කීමේ තව තව රහස් තිබේ.

පරිච්ඡේද 28 න් පමණ සමන්විත රේඩියෝ මතක කෘතිය , ජාතික ගුවන් විදුලියේ දිගු මාධ්‍ය ජීවිතයකට හිම්කම් කියන හේමසිරි කුලරත්න නම් ප්‍රවීන ප්‍රවෘත්ති මාධ්‍ය වේදියාගේ දිගුකාලීන මතකයන් ගොනුකර නිර්මාණය වූවකි . මේ කෘතිය මෑත කාලයේ සිංහලෙන් ලියැවුනු ඉතා අගය කල යුතු පොතකැයි මට සිතේ . පොදු පාඨකයාට මෙන්ම විශේෂයෙන්ම ගුවන් විදුලි මාධ්‍යයට අත්පොත් තැබීමට පිවිසෙන දහසකුත් එකක් තරුණ මාධ්‍ය විද්‍යාර්ථීන්ද අනිවාර්යෙන්ම කියවිය යුතු , කියවා ලග තබාගතයුතු අගනා අත්පොතකි . සිය මාධ්‍ය සංචාරයේදී ඔහු අත්දුටු පරිසරය හා හමුවූ විවිධ පුද්ගලයින් ගැනද රසවත්ව ගලායන ලෙසින් පද ගලපා ඇති හේමසිරි කුලරත්නයන්ගේ රේඩියෝ මතක , නවකයින්ට මෙන්ම අපටද ඉතා වැදගත් වේ . තවද ඓතිහාසික ඡායාරූප රැසක්ද මෙයට ඇතුලත් කිරීම පොතෙහි ආකර්ෂණය තවතවත් වැඩිවර්ධනය කිරීමට හේතු වී ඇත . ඔහුගේ බස සරලය .ඉදිරිපත්කිරීම ගලායන දියදහරක් සේ පාඨකයා නොවෙහෙසයි . මේ කෘතිය එකහුස්මට වුව කියවිය හැකිය . එහෙත් එසේ නොකොට හොඳින් අධ්‍යයනය කරමින් මතකයේ රඳවා ගනිමින් කියවා , ඒ රේඩියෝ මතකය ඔබගේද මතකයක් බවට පත්කරගැනිමට උත්සාහ ගන්න .මාධ්‍ය ක්ෂේත්රයට පිවිසෙන නවකයින්ට රේඩියෝ මතක නැතිවම බැරි ග්‍රන්ථයක් වනු නොඅනුමානය. 

මෙවැනි අපූරු ග්‍රන්ථයක් මාධ්‍ය ක්ෂේත්‍රයට තිළිණ කල හේමසිරි කුලරත්න ප්‍රවීන ප්‍රවෘත්ති මාධ්‍ය වේදියානෙනි , ඔබට තුති !
-Asoka Tillekeratne 

සතා සිවුපාවටත් අයිති ගහ කොලත්
කපා බිම හෙලූ පසුත් මිනිසුන්…
සතා සිවුපාවටත් වඩා අසරනයි
දැඩි නියන් කාලයට..
මහ ගං වතුරකට…
වනේ වන සතුනුත් කාට කියන්නද
පැලේ පැටවුනුත් කෙලෙස නිදන්නද
විපතක් කවදා කොතනකින් එයිද
දැන්වත් මිනිසුන්ට නුවන ලැබුනද
Sadharuwan Karunathilaka

 

වැස්සත් ඉද හිට
තාම හීතලයි හිත
උබ අස්සේම මිස
වෙන නම් කොහේ කියා යම්ද මම

තදම තද රස්නේට
වේලුනත් මයේ හිත
උබ අස්සේම මිස
වෙන නම් කොහේ කියා යම්ද මම

රිදෙවුවත් ඉද හිට
කදුලින් මයේ හිත
උබ අස්සේම මිස
වෙන නම් කොහේ කියා යම්ද මම

හැමතැනම දගලන
පුන්චි හිත් දැක
උබ අස්සේම මිස
වෙන නම් කොහේ කියා දගලන්නද මම……….

මීට
වලාකුල

…….ඉසුරු උදාර…..

විසල් අහසේ
ඈත කෙලවර
ඔබව මම දුටුවා
වසා ගත්
නිල්නුවන් අතරේ
ආදරේ දුටුවා
ගලා ගිය
කදුළැල්ළ අතරේ
සෙනෙහසක් පැතුවා
ඈත සිතිජයේ
කොනක මායිම
සුසුමකට ඉඩ තිබ්බා……..
ඔබට බෑ
හංගන්න ඒ බව
මට ඒ සුසුමේ
හඩ ඇහුනා
ඇත්තට සත්කයි ඇහුනා
@අසම්මත/17/06/14/@

RANDOM POSTS

0 18
කාලයත් සමග වේගවත් ව ඉදිරි ගමනක යෙදෙන මිනිසා නවීන විද්‍යාවේ හිනිපෙත්තේ සිටිය දී වුව ද සියවස් ගණනාවක් ඉපැරණි විද්‍යාවන්, තාක්ෂණ ශිල්පීයක‍්‍රම, සෞන්දර්ය කලා ශිල්ප,...